સાથ નિભાના સાથિયા'ની વિદ્યા સોનમ લાંબાની ગુજરાતી ફિલ્મ 7 ફેબ્રુઆરીએ થશે રિલીઝ

ટેલિવિઝન અભિનેત્રી સોનમ લાંબા, જેમણે સ્ટાર પ્લસ પર પ્રસારિત થયેલી લોકપ્રિય સીરિયલ "સાથ નિભાના સાથિયા" માં વિદ્યાનું પાત્ર ભજવીને પ્રસિદ્ધિ મેળવી હતી, તે હવે મોટી સ્ક્રીન પર ધમાકો કરવા તૈયાર છે. સોનમ લાંબાની ગુજરાતી ફિલ્મ "વિશ્વસ્થ" 7 ફેબ્રુઆરી 2025ના રોજ ગુજરાત અને મુંબઈના સિનેમાઘરોમાં રિલીઝ થશે. આ ફિલ્મ અંગે સોનમ ખૂબ જ ઉત્સાહિત છે.

હિન્દી ટીવી સીરિયલ્સ બાદ સોનમ લાંબા એવી ફિલ્મ કરવા માગતી હતી જે આખા પરિવાર સાથે જોઈ શકાય. તેઓએ પોતાને ભાષાના મર્યાદામાં પણ બાંધ્યા નથી. તેઓ કહે છે, "હું ખુશ છું કે મેં આ ગુજરાતી ફિલ્મ 'વિશ્વસ્થ' કરી, જે એક પરિવાર માટે જોવાની લાયક ફિલ્મ છે. શૂટિંગ દરમિયાન મને ભાષાના કારણે થોડો મુશ્કેલ અનુભવ થયો કારણ કે હું ગુજરાતી નથી પરંતુ પંજાબી છું. તેમ છતાં, આખી ટીમે મને સંપૂર્ણ સહકાર આપ્યો."

સોનમ લાંબા, જે સમાજને સારા સંદેશા પાઠવવા માગે છે, તે આ ફિલ્મમાં આસ્થા નામની એક મૂક-બધિર યુવતીનું પાત્ર ભજવે છે. આ પાત્ર માટે તેમને ગુજરાતી ડાયલોગ બોલવાની જરૂર ન હતી પરંતુ સાઇન લૅન્ગ્વેજ શીખવી પડી. તેમણે આ પાત્ર માટે વર્કશોપ કરી, જે તેમનું પાત્ર નિભાવવામાં ખૂબ મદદરૂપ થયું.

"સાથ નિભાના સાથિયા" સોનમ લાંબાનું સૌથી લોકપ્રિય શો રહ્યું છે અને આજે પણ લોકો તેમને વિદ્યાના નામથી ઓળખે છે. આ શોના તેમના સહ-અભિનેતાઓએ તેમની ફિલ્મનો ટીઝર જોઈને પ્રશંસા કરી અને કહ્યું કે આ ફિલ્મમાં વિદ્યા નવી અદામાં જોવા મળે છે.

ગુજરાતી ફિલ્મ "વિશ્વસ્થ" વિશ્વાસ અને આસ્થાની પ્રેમકહાની છે. આસ્થા એકસરળ અને નિર્મળ ગામડી છોકરી છે જે બોલી શકતી નથી, એટલે તેને લોકો મજાકનો પાત્ર બનાવે છે. તેણે પોતાની અંદર એક નવી દુનિયા બનાવી છે. આસ્થા ડરીેલી છે પણ પોતાની માતા અને મિત્ર સાથે ખુશ રહે છે. તેના જીવનમાં વિશ્વાસ આવે છે, જે આસ્થાની આંખોમાંથી તેની લાગણીઓને સમજી શકે છે. વિશ્વાસ તેના દરેક પરિસ્થિતિમાં સાથ આપે છે.

ચરિત્રોની પસંદગી બાબતે ખૂબ જ પસંદગીશીલ રહેનાર સોનમ લાંબાની આ ગુજરાતી ફિલ્મના ગીતો બોલિવૂડના ગાયકો દ્વારા ગવવામાં આવ્યા છે. ટાઈટલ ટ્રેક જાવેદ અલીએ ગાયું છે અને હોળીના ગીત માટે દેવ નેગી છે. ફિલ્મમાં એક આઇટમ સૉન્ગ પણ છે. "રૈયા એન્ટરપ્રાઈઝ" ના બેનર હેઠળ બનેલી આ ફિલ્મના પ્રોડ્યુસર રાજેશ પટેલ છે જ્યારે ડિરેક્ટર અને ફિલ્મના હીરો નિકુંજ મોદી છે.