.jpeg?#)
મિસ ઓશિયન વર્લ્ડ 2025: દક્ષિણ સુદાનની એવલિન વિજેતા, ભારતની પારુલ સિંહ પ્રથમ રનર&અપ
મિસ ઓશિયન વર્લ્ડ 2025: દક્ષિણ સુદાનની એવલિન વિજેતા, ભારતની પારુલ સિંહ પ્રથમ રનર-અપ
જયપુર | દક્ષિણ સુદાનની એવલિન નીમ મહમ્મદ સાલેહે મિસ ઓશિયન વર્લ્ડ 2025 નો તાજ જીતી લીધો છે. ભારત માટે ગૌરવની વાત એ રહી કે પારુલ સિંહ એ પ્રથમ રનર-અપ તરીકે સ્થાન મેળવ્યું. આ આંતરરાષ્ટ્રીય સ્પર્ધાનું ગ્રાન્ડ ફિનાલે જયપુરનાં દિલ્હી રોડ પર આવેલ ગ્રાસફીલ્ડ વેલી ખાતે યોજાયું, જેમાં 20 દેશોની પ્રતિસ્પર્ધકોએ સૌંદર્ય, પ્રતિભા અને સામાજિક સંદેશો રજૂ કર્યા.
વિજેતા સ્પર્ધકાઓ
વિજેતાઓમાં દક્ષિણ સુદાનની એવલિન સાલેહને વિજેતા જાહેર કરવામાં આવી, જયારે ભારતની પારુલ સિંહ ફર્સ્ટ રનર-અપ બની. ચેક રિપબ્લિકની નિકોલ સ્લિન્કોવા સેકન્ડ રનર-અપ બની, જાપાનની કુરારા શિગેટા થર્ડ રનર-અપ અને પોલેન્ડની એન્જેલિકા મેગ્ડાલેના ફાઇચ્ટ ફોર્થ રનર-અપ બની.
થીમ અને ઉદ્દેશ્ય
મિસ ઓશિયન વર્લ્ડ નું આ વર્ષનું કેન્દ્રિય સૂત્ર "ક્લીન એન્ડ પૉલ્યુશન-ફ્રી ઓશિયન" હતું. સ્પર્ધા માત્ર સૌંદર્ય પર નહીં, પરંતુ પર્યાવરણનાં સંરક્ષણ અને વિશ્વમાં સંસ્કૃતિના પરસ્પર આદાન-પ્રદાન પર કેન્દ્રિત હતી.
ફ્યુઝન ગ્રુપના સ્થાપક ડિરેક્ટર યોગેશ મિશ્રાએ કહ્યું:
"રાજસ્થાન માટે ગૌરવની વાત છે કે વિશ્વની ટોપ 10 નજરે ચઢતી બ્યૂટી કોન્ટેસ્ટ અહીં આયોજિત થાય છે. આ ફકત સૌંદર્યનો જ ઉત્સવ નથી, પણ પર્યાવરણની સુરક્ષા અને સાંસ્કૃતિક સમરસતાનું પ્રતિક છે."
મહેમાનો અને જજીઝની હાજરી
ફિનાલેની વિધીમાં મુખ્ય અતિથિ તરીકે ભારત 24 ના CMD ડૉ. જગદીશ ચંદ્ર, સર્વ બ્રાહ્મણ મહાસભાના પ્રમુખ અને ભાજપ નેતા પં. સુરેશ મિશ્રા, તથા સામાજિક કાર્યકર કંડક્ટલા સિદ્દુ રેડ્ડી હાજર રહ્યા.
જ્યુરીમાં ભૂતપૂર્વ મિસ ઓશિયન વર્લ્ડ અલિસા મિસ્કોવ્સ્કા, લૌરા હડસન, અંગૂલ જારીપોવા, ડૉ. ઐશ્વર્યા, એકતા જૈન, સિદ્દુ રેડ્ડી, રાહુલ તનેજા અને દિવ્યાંશી બન્સલ જેવા ખ્યાતનામ હસ્તીઓ સામેલ હતા.
ફિનાલેની ઝગમગાટ
આ નવ દિવસના ઇવેન્ટમાં સ્પર્ધકોએ ગાઉન રાઉન્ડ, સ્વિમસૂટ રાઉન્ડ અને પર્યાવરણ સાથે જોડાયેલા પ્રશ્નોત્તરી રાઉન્ડમાં પોતાની પ્રતિભા રજૂ કરી.
ફિનાલેની શરૂઆત કમલા પોદાર ઇન્સ્ટિટ્યૂટના ડિઝાઇનિંગ સ્ટુડન્ટ્સ દ્વારા બનાવેલા ખાસ કલેકશન વડે કરવામાં આવી. ત્યારબાદ સ્પર્ધાના વિવિધ રાઉન્ડ્સમાં પ્રતિસ્પર્ધકો પોતાના વિચારો તથા સંદેશ લઈને રેમ્પ પર આવ્યા.
વિશેષ આકર્ષણ રહ્યું ક્રાઉન પાસિંગ સેરેમની, જે ભૂતપૂર્વ વિજેતા અલિસા મિસ્કોવ્સ્કાએ કરી.
Also Read: મિસ યુનિવર્સ ઇન્ડિયા 2025 – જાણો મનિકા વિશ્વકર્મા કયા જવાબથી વિજેતા બન્યા
આયોજન અને ટીમ
મેકઅપની જવાબદારી શેડ્સ સેલૂનની જસ્સી છાબડાએ સંભાળી. કોરિયોગ્રાફી શાહરુખ ખાને કરી અને એન્કર તરીકે રાકેશ શર્મા હાજર રહ્યા.
આંતરરાષ્ટ્રીય ડિરેક્ટર યોગેશ મિશ્રા અને નિમિષા મિશ્રાએ સમગ્ર ઈવેન્ટનું નેતૃત્વ કર્યું.
સંદેશ – પર્યાવરણ અને સંસ્કૃતિ
"ક્લીન ઓશિયન" ની થીમ હેઠળ બધા પ્રતિસ્પર્ધકોએ સમુદ્રની સુરક્ષા અને પ્રદૂષણ નિવારણ માટેનો સંદેશ જનતા સુધી પહોંચાડ્યો. સાથે જ દરેક મોડેલએ પોતાના દેશની સંસ્કૃતિ, પરંપરા અને કળાનું પ્રદર્શન કર્યું, જેના કારણે આ ઈવેન્ટ ગ્લોબલ કલ્ચરલ એક્સચેન્જનું મહત્વનું માધ્યમ બન્યું.
રાજસ્થાનનો ગૌરવ
ફ્યુઝન ગ્રુપ દ્વારા આયોજિત આ આંતરરાષ્ટ્રીય સ્પર્ધાએ જયપુરને વૈશ્વિક મંચ પર ખાસ સ્થાન અપાવ્યું. આ ફક્ત સૌંદર્યનો જ ઉત્સવ ન હતો, પરંતુ પર્યાવરણ સંરક્ષણ અને સાંસ્કૃતિક એકતાનું શક્તિશાળી મંચ પણ સાબિત થયું.